منتدى أحلـــى كـــلام
عزيزى الزائر

كونك زائر غير مسجل

* سيتم عرض اعلانات لك، هذه الاعلانات لا تظهر للاعظاء.
* لن تتمكن من مشاهدة بعض محتويات مواضيعنا.

ندعوك للتسجيل بأقل من دقيقة
* لتتمكن من مشاهدة كافة محتويات المواضيع التى ترغب فى قرآئتها .
* وقف عرض الاعلانات.

SiteAdmin

حظى العفش - ايمان البكري

استعرض الموضوع السابق استعرض الموضوع التالي اذهب الى الأسفل

حظى العفش - ايمان البكري

مُساهمة من طرف Sara في الخميس فبراير 10, 2011 8:39 am



حظى العفش
وقعنى حظى العفش
فى قعدة ستاتى
نسوان كمالة عدد
وعقلهم فاضى
مغيرين طبعهم...
وملونين وشهم
واللحمة من عزهم
بمبة بلون خدهم
عنابى يا أخواتى
عايشين ومش عايشين
وعرايا مش لابسين
وكل شىء عندهم
ماشى وشىء عادى
الره قالوها غين
والنشأة أبصر فين
ولكل واحد جوز
جنتل قوى وكلبوظ
بدلعه دادى
واللى يشوف كدبهم
حيبان له من شكلهم
إن البعيد جدهم
كان أصله قرداتى
راكبين شبح وعيون
ومعلقين محمول
سرحوا وسايبين طور
فى البيت قاعد مسطول
ع الحال ده ليلاتى
وعيالهم المساكين
تاهوا مع التايهين
ومدمنين هيروين
نص النهار نايمين
والسهرة فى الدفيليه
والديسكو والنادى
عاملين لى جمعيات
اشى سيدات أعمال
واشى سيدات رأس مال
وشى ايشى بالمجان
والبلوه ف الآتى
فى كل لحظة تشوف
واحدة بقوام ملفوف
جره فى ايدها خروف
مجهود لكن ذاتى
بعقول مخاصمه النور
كتبت يفط بتقول
على وشها الملعون
احنا فرى وسبور
ونظامنا خوجاتى
توب الحيا مقلوع
والقعدة ف الممنوع
لو كنت ألاقى دموع
لابكى بصوت مسموع
واختمها بصواتى
يا بؤرة المجتمع
انس وشيطان اجتمع
زيدوا كمان ف الدلع
مات فيكوا حس السمع
على ايه بقى نهاتى
بزنس ع المكشوف
ولا عدش فيها كسوف
وتعالى عاين شوف
آه لو أكون مسئول
أو كنت يوم قاضى
لحكم عليهم أنا
بالسجن خمسين سنه
واللى على ذمته
إعدام علشان حضرته
على خيبته كان ماضى
يا دى المرار والقلق
صوتى يا خلق اتخنق
رجاله صبحت ورق
شنبات وع الفاضى
يا أهل الأصول والقول
اصحوا بقى م النوم
ده الشرع والمعقول
بيزين طباع وعقول
يا خسارة يا بلادى
عايزه شوية حمم
علًى ماليهم ذمم
بيلبسونا العمم
أولاد أبالسه ورمم
بيضللوا اولادى
قادر يزيح همهم
يبعدنا عن شرهم
لا طبعنا طبعهم
ولا كنا يوم منهم
دول بلوه يا خواتى
طبع النسا عندنا
بين طاهرة أو مؤمنه
عارفين حدود ربنا
تلقى فى نور وجهنا
ضى الرضا بادى
يعنى الخلاصه بقول
لو النسا بردون
يفلت عيارها ف يوم
ح تضيع عادات وأصول
وربنا الهادى

Sara
عضو مهــم
عضو مهــم

عدد المساهمات : 355
نقاط : 2693
تقييم العضو : 0
تاريخ التسجيل : 09/06/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى